Nowel: Owt of your slepe aryse (Anonymous)
- Editor: Jason Smart (submitted 2021-09-12). Score information: A4, 3 pages, 140 kB Copyright: Public Domain
- Edition notes: Edited from Oxford, Bodleian Library, MS Arch. Selden. B. 26, f.14v. Original pitch and spelling of text retained.
- Editor: N. Nakamura (submitted 2006-03-24). Score information: A4, 3 pages, 40 kB Copyright: Personal
- Edition notes: Copyright (C) 2004 by N. Nakamura.
Title: Nowel: Owt of your slepe aryse
First published: c. 1430 in Selden Carol Book (Bodleian MS. Arch. Selden B. 26)
Original text and translations
Middle English text
Refrain: Nowel! (6x)
Owt of your slepe aryse and wake,
For God mankynd nowe hath ytake,
Al of a maide without eny make;
Of al women she bereth the belle.
And thirwe a maide faire and wys,
Now man is made of ful grete pris;
Now angelys knelen to mannys servys,
And at this tyme al this byfel.
Now man is bryghter than the sonne;
Now man in heven an hye shal wone;
Blssyd be God this game is begonne,
And his moder empresse of helle.
That ever was thralle, now ys he fre;
That ever was smalle, now grete is she;
Now shal God deme bothe the and me
Unto his blysse yf we do wel.
Now man may to heven wende;
Now heven and erthe to hym they bende;
He that was foo now is oure frende;
This is no nay that Y yowe telle.
Now blessyd brother, graunte us grace
A domesday to se thy face.
And in thy courte to have a place,
That we mow there synge 'Nowel'.